| Profilo di 洁瑜fing o(‧""‧)o fingFotoBlogElenchi |  Strumenti  Guida |
|
fing o(‧""‧)o fing人,最緊要過得開心 22/09/2006 忙碌之後~病左~ 不知不覺間,開學已经有3個星期啦~仲有一個星期就进入爲期9日的國慶長假.時間好似係我唔留意的轉眼間走到好遠~
從開學開始,我就下意識咁令自己忙起來,莫名地,就係想忙,最好忙到天昏地暗,忙到忘記所有的一切,包括唔愉快的事,孤單的感覺等等.事實証明,我真係做到左,係我察覺的時候,時間就向前移動左20幾日,480幾個小時~每一日除左密集的課程,我仲用無課的時間去打工,就連星期六日都因爲雙學位而排左密密麻麻的課程,可謂真正的"廢寝忘餐"啊~雖然辛苦,但係我又的確覺得無比充實,忙到無時間去唸其他任何無謂的事情,令我過得好自在~所以就算阿豬同其他好多朋友都話我"唔正常",我都依然堅持咁的步調~
16號星期六,學校大一新生開學,我参加左迎新活動,终于體會到係大學做師姐的感覺啦~哈哈~不過好矛盾,有D大一的妹妹仔明明個樣仲成熟過自己,但係反而俾佢叫自己姐姐,個種心情真係無法形容啊~~
唔知最近係咪真係忙到過左頭,我前幾日感冒啊~好隂功~我寧願髪燒,起碼可以增高啊~!但係感冒~唉!我本来就唔係一個識得照顾自己的人,所以每次呢D小病無半個月都唔使旨意好啊~今日髪現,感冒好似有加重左的趋勢,坎坷啊~~係咪一個人身体抵抗力低的時候,意志特别薄弱的呢?呢個時候好褂住好多人,好想見到你地~嗚嗚~~親愛的國慶假期快快到吧!~~
各位我愛的人~~等我番來啊~見到我之後,记得俾個大大的擁抱我啊~哈哈~(又流鼻水啦~嗚嗚~)
22/08/2006 藉着雨點說愛伱又一次久別呢度啦~重新上番來,髮覺感覺唔同曬,所以我將音樂都換左,突然間,腦海中唸到的就係呢首歌...
記得前一段時間睇左一部感人的電影——《現在,就去見伱》,又名《藉着雨點說愛伱》,我比較中意後一個名字,或者聽起來比較浪漫啦～呵呵～ 雖然呢部電影無乜野值得去大力吹捧,都無任何特別突齣的地方,但係卻令我印象深刻,莫名咁中意左距～係呢度，除左想介紹大傢去睇下呢部感人的電影之外,仲想同大傢分享一下裏麵的主題麯.細細品味一下歌詞,或者伱會對呢部電影,甚至其他事有一番新的體會~ 附歌詞： 有如花瓣散盡的時候 如作夢一般 與你相遇的奇蹟 彼此相愛 有時爭吵 兩人一起克服了 無數的障礙 就算轉世再生 也要在妳身旁 化作一朵花 是否會一直存在著 在我頭頂上的太陽 是否能一直守護著 無論是哭 是笑 是生氣的妳的表情 假如有天全部不存在時 我會更加感謝我倆的相遇 那一天 那個時候 在那個地方發生的奇蹟 會產生 一個新的軌跡吧 因為愛而變得更堅強 因為信任而得以克服 妳所留下的東西如今依然 妳瞧 不失光彩地在我心裡 這就是幸福 得以遇見妳 能夠讓我重拾笑顏 「謝謝妳」 懷著滿溢的心情 繼續前行 有如花瓣散盡的時候 如作夢一般 與你相遇的奇蹟 彼此相愛 有時爭吵 兩人一起克服了 無數的障礙 就算轉世再生 也想見到妳 有如花瓣散盡一般 接納這個世界的全部吧 妳所留給我的 稱為"現在"的這個現實的寶物 所以我更要努力活著 成為一朵花 花為什麼會枯萎 鳥為什麼會飛翔 風為什麼會吹拂 月亮又為什麼 會發出光亮 為什麼我會在這裡 為什麼妳會在這裡 為什麼會與妳相遇 與妳相遇這件事 就稱做命運 雨過天晴 出現彩虹 青色暴風產生的光芒 無法退讓的重要的東西 妳注意到了嗎那就是"愛" 還能繼續走下去吧? 已經能看見了 "思念"超越了時空 永遠的響著 妳的喜悅 妳的苦痛 妳的一切 來吧 更加的 綻放吧 綻放吧 綻放吧 17/05/2006 大扫除咯...哇！一个吾觉意就过左半个月多无上来更新过啦~真系惭愧啦！今日终于有番D心情上来清扫下呢度啦~
低谷的心情已经维持左好一段时间啦！最近几日先开始慢慢平复番过来，吾知点解，最近好多令人烦心的事一齐光临，杀左我一个措手不及，就系因为甘，最近我又稍微远离左距地班友仔...自己一个冷静，沉思，但系好似都系无乜作用甘的...
虽然好耐无上呢度，但系见到距地个个系我QQ空间的留言，我真系好感动...最近的自己喊左好几次，搞到对眼干涩到痛，仲经常一副愁容，感觉好似好耐无开心甘笑过啦...不过我吾会比自己陷入低谷好耐的，我已经慢慢振作起来的啦！多得身边的朋友，仲有小宁宁的灿烂笑容啊~哈哈！扫去围绕多日的阴霾...
近排都吾知做乜鬼，捻到好多野想写个阵就成日上吾到spaces，而家上到来，反而无乜想讲~哎！得闲去我QQ空间踩下场啊各位~我而家连空间都玩埋啦~哈哈！ 22/04/2006 一个好满足的20岁生日
真系从来都无捻过我的20岁生日可以过得甘满足，甘开心噶！ 我要多谢一班甘好、甘有义气的朋友帮我庆祝生日！yee， 猪仔，lolo，色色，周太，阿彪，阿古，lelu，阿云， 中仔，李恒，泽洪，肥仔业，亮哥，我真系太感动啦~T-T 希望对你地来讲，呢两日都系甘开心甘难忘啦~下次有机会的话， 我地再一齐出去玩啦~哈哈！ 吾讲甘多废话啦，都系睇相啦~（系相册度） 26/03/2006 在男生宿舍的软禁生活
前两晚我系众多男性同志的合力帮助下,成功潜入男生宿舍.丁解要潜入男生宿舍?哈哈~因为好玩,因为无聊,因为好奇咯!不过本来以为可以过探险般的几个钟头,点知第二日落好大雨,搞到走吾到,就惟有系男生宿舍再留多晚.然后又因为惊比其他吾识的男生见到我,费事吓亲人兼且比人讲开去,好歹我都系黄花闺女一名喔!哈哈~所以搞到呢33个钟头都系留系其中一个宿舍,过住软禁般的时光~真系凄凉!本来以为我宿舍已经系好乱的啦,估吾到男生宿舍仲犀利过我,不过我相信应该净系收留我的个个宿舍甘的姐~ 阿云,中仔,Lelu,杨劲,你地反省下啦~ 因为碍于种种因素,系男生宿舍过得虽然 吾系特别有趣,不过多得一D好好朋友, 都算系过得开心!多谢晒~~哈哈~下次 有机会你地来女生宿舍我招待你地啦! (如果你地有机会上到来的话)哈哈~! 又系时候补眠啦!系男生宿舍度过的 33个钟头,净系得训同吃,仲有成日坐 住上网,搞到皮肤差晒,仲感觉好似肥 左一圈甘!激死啊~接落来又要进行减肥行动啦!阴功~! 23/03/2006 "堕落"的一晚~
一眨眼就天光啦!吾知系米真系快乐的时间过得特别快的呢?几9点,全体人员起身之后就坐公车番学校,一齐吃完早餐之后各自番宿舍继续训教~
妹妹,生日快乐!
14/03/2006 原来今日系情人节喔~
各位男性同志们,今日好好把握机会送礼比自己中意的女仔啦~错过左就好难稳到机会甘名正言顺甘送礼的啦~哈哈!吾知今日会有几多paris诞生呢?算啦~都吾关我事!祝天下有情人终成眷属啦! 11/03/2006 音乐全面更新~ 呢个spaces度的歌,自从我将播放器放上来之后,一直都无换过,相信上来的朋友都听到闷的啦~请原谅小女子实在太忙啦,再加上天生懒惰,成日都想换歌都无换~
不过我今日终于换左啦~虽然D歌未必全部都系最新,不过都系我最近听紧的,全部都好正噶!!相信我眼光的就赏面开住我的spaces认真聆听一下啦~感激万分啊~! 07/03/2006 祝你一路顺风寻晚好开心,不过都有D伤感~诗缘要离开我地B510宿舍,离开呢间学校,飞去美国读书,其实应该要替距开心,毕竟可以去美国读书系一个难得的机会,吾系个个都可以,虽然吾舍得,不过我都只可以讲声一路顺风!
寻晚虽然伤感,不过都好开心!你,我,彭小妹,猪仔,静怡,阿lo同阿should,我地几个一齐系老北京吃饭,一齐去小泉居唱歌,一齐番宿舍饮酒倾计到4点几...真系好开心好开心!
系小泉居唱歌个阵,个个都唱到好癫,直到最后一齐唱"Today"先顿觉伤感,我甚至唱到最后系已经唱吾出声,有想喊的冲动,我知道猪仔都一样,不过我见距好坚强甘无喊,我都吾想破坏呢个宁静的场面,开心甘离别总比喊住要来得好.
唱完歌,系OK买左啤酒番宿舍,一齐饮酒,玩大冒险,讲真心话,不知不觉中我地几个都讲起好多平时吾讲的话题,对大家都有左更深的了解,可能系平时吾多接触,又或者系有时自己的错觉,觉得对方吾中意自己,即使想主动亲近都不得不却步,但系经过寻晚之后,发觉其实好多野都吾系表面睇的甘简单,每一个人都好成熟,显得自己好幼稚,甚至系天真过头...诗缘,阿lo同阿should都好成熟,同你地倾计,听你地讲野,有时真系觉得系一种享受,好中意听你地讲你地的睇法,自己听的同时,认真捻下自己的情况,反复甘思考,真系可以捻通好多野!好中意同猪仔,静怡倾计,一直都知道你地两个系想法好相似的人,经过寻晚,我发觉原来猪仔讲的野同我自己捻的都系一样噶,甚至乎当我讲自己的感受,自己的心情出来的时候,猪仔你可以接住讲出我想讲的野的时候,真系觉得好神奇,原来都会有一个想法同我如此相似的人,好开心!至于静怡,都系傻傻更更,不过其实我知道你都系一个心思好细腻的人,心入面好似有好多心事甘,虽然平时嘻嘻哈哈...
一直到4点几,个个都好似撑吾住,各自番自己宿舍训教,而静怡甚至一早已经鸠占鹊巢,系我的床上训到成只猪甘,最后惟有同距同床共枕,系充满啤酒味的宿舍训左几个钟头~
又天光啦~上完课番来,诗缘已经离开左学校... 05/03/2006 感言军训终于结束啦~！听讲同教官的离别好多人喊，泪腺发达的我最惊见到D伤感场面的啦，所以我选择吾去送教官，所以我并吾系无情噶~
军训结束之后伴随着就系下学期的课程啦！而家捻起，觉得感慨万分，仅仅一个学期，竟然可以令我的生活发生甘大的变化，失去左好多野，虽然吾系话无得到任何野，不过无论点都好，失去的痛苦始终都系令人刻骨，何况失去的野吾系只有一样呢~！
以前一直都有打算修双学位，不过一直觉得会好辛苦，都系得个捻字，而家我真系决定左要好好读书，都决心要去修双学位，或者真系只有呢种状况下，毫无依靠的我先可以将精力唯一甘投注晒去学习度，都只有学习，先令我感觉自己仲有一个依靠！
可能系自己天生比较悲观，不过其实我觉得系每个人睇事情所站立的角度吾同的关系，或者我的角度比叫偏，但系我并吾系一个偏激的人，好多无办法接受的野我都可以用好短的时间去接受到，并令自己恢复冷静，但系甘并代表我系一个好理智的人，我都吾希望自己成为一个太理智的人！
系一个朋友的QQ度见到甘样一句话，When you have somethings more,you will lose somethings else.But when you lose some thing,maybe you will lose other things more,and you reap nothing as a reslut.前一距我认同，但系后一句我就吾系好认同啦~虽然系甘，但系并吾代表距讲的就系错，呢个就系站立角度吾同的原因.或者我可以了解到距甘认为的原因，不过我都希望距的想法可以尽快改变啦~因为一直令自己觉得失去一样野的同时会有更多野失去的悲观想法，真系会令自己好难受好辛苦，呢种感觉我知道，我都受过，不过好多野都系要靠自己认真去捻先可以改变睇法，吾系外人可以帮到的~
唠唠叨叨就讲左甘多废话，又一个不眠夜啦~军训期间怕且都系我睡眠时间1点之前的日子啦~军训完之后我又再次恢复番不眠的日子，都吾知点解自己成日失眠，系米因为我真系捻得太多野呢~？ 03/03/2006 令人感动的星空今日系军训的最后一日啦，听日阅兵式完左之后，我终于可以拿埋行李番屋企啦~好挂住屋企~! 今晚系大操场举行左一次军训联欢晚会,其实并吾系十分好睇,尤其系睇到小品个阵,心情更加郁闷,惟有坐番低等待下一个节目,等得好无聊,抬起头一睇,哇! 今晚的夜空好靓,好多星星!上左大学甘耐,今晚的夜空系我见到好靓噶,都系唯一一次令我觉得感动的,成晚我都不断甘抬头望个天空,台上的表演几精彩都好,好似都已经吸引吾到我. 当一个人百无聊赖的时候,望住甘靓的星空,真系可以捻到好多野,都好容易影响自己心情,如果捻到的系吾开心的野,今晚的心情都好容易变得好沮丧.不过庆幸今晚我好生性,无乱捻一D吾开心的野,可能系因为今晚同爸爸的一分钟电话令我觉得好温暖,好感动,有D想喊,令我几乎等吾到听日下午,想一大早就飞番屋企! 吾知番到去之后可吾可以见到一样令人感动的星空呢? |
|||||||||||||||||
Invia un messaggio privato
Sottoscrivi RSS
Dillo a un amico
Aggiungi a My MSN
Aggiungi alla tua rete di amici
Iscriviti al servizio Alerts
听住关心妍《终点》的剧场版，令我情不自禁地流下眼泪，即使系一个凄美的故事，但仍然令我非常羡慕剧中女主角有一个如此爱她的男朋友！世界上仲有几多个甘样的男人呢？同时，令我记起好耐之前睇过的一个感人故事...
4月14号,我亲爱的爸爸的生日,我中午同成班F一齐番广州,时间尚早,于是7,8个人一齐去左Neway唱K,讲真,真系唱得好开心,而且好好玩,笑到好累~仲影左相,不过要迟D先发到上来啦,敬请期待啦!呵呵~
一直唱到6点半,我即刻赶番花都同爸爸过生日,当我抵达酒店的时候,发现原来有好多亲戚都系度,而且桌面基本上已经杯盘狼籍一片,睇来我迟到啦...有D对吾住爸爸!不过爸爸同妈妈都另外留左好多好吃的食物比我啊,有个个吾知咩贝,仲有好大碗鱼翅汤,好感动啊~~!跟住我系现场充当摄影师,影左好多相!
吃完饭番到屋企,姐姐同姐夫订左一只生日蛋糕,我地4姐弟一齐同爸爸庆祝生日,唱生日歌,许愿,吹蜡烛,切蛋糕,爸爸笑得好开心,我都觉得好幸福!
然而，天使总是忍不住看着 她看见了，想尽办法找寻
最近发觉自己做乜都吾顺心!本来想比心机上课,比心机读书的,但系吾知点解个人一坐系课堂上就无晒心机,最后听吾落课仲早退...无意中见到有一个几衬某人的东西,心情好买左落来送比距,竟然系未送出前比人吾领情甘拒绝左~激气左成日...周围都招工的时候就吾想打工,突然好想打工,周围的店铺都已经招满晒人,郁闷到死...哎~
突然觉得系学校好无聊,无聊的时候身边无人陪的感觉真系好bad,自己一个系宿舍,成个傻婆甘,突然好挂住屋企,即刻打左个电话比妈妈,同妈妈讲左几句收线之后,吾知几时只眼有D湿左,妈妈的几句话令我更加挂住屋企,好想即刻番去.或者,我听日一早就买票番去...吾知系米人系孤独一个人的时候真系特别脆弱,特别需要有个人系身边的呢?就连平时好坚强的自己,呢个时候都真系好希望有人系身边陪自己,即使吾讲野都好,只系需要令自己吾觉得自己一个人...
可能系最近烦心的事特别多,所以神经特别敏感,阿云话我因为敏感,所以失眠；阿古话我因为敏感,所以成日为难距.失眠系以前就一直系甘,可能系心理压力有D大,训吾着啦~至于阿古,我真系无存心为难你,我纯粹系开下玩笑,令到你觉得我为难紧你,吾好意思~但系我真系无呢个意思...
祝大家愚人节快乐啦~!我又再一次成为人地的愚弄对象啦~悲哀!
中午上完课番到宿舍之后,醒起单车无锁,拿拿临跑番落斜坡去锁车,气喘喘甘跑到落去之后,激死啊!原来已经锁左,不过自己竟然完全无印象有锁车,无计...惟有慢慢爬番上去宿舍...痛苦ing~
就甘样低潮左一整日,双目无神甘坐系电脑前,又逃左课啦!哎~真系觉得有D对吾住爸爸妈妈!原谅女儿的不孝啊~我之后会好比心机读书的啦!
|
|
o+fing+-+Windows+Live&referrer=){kind=small}
